پیرس :تحریک انصاف فرانس کی مرکزی مجلس عاملہ کا اجلاس، سینئر راہنما اصغر برہان متفقہ طور پر پارٹی کے جنرل سیکرٹری نامزد

پیرس (یس اردو نیوز)پاکستان تحریک انصاف کی مرکزی مجلس عاملہ کا اجلاس ہوا جس میں انٹراپارٹی الیکشنز کیلئے امیدواروں کے ناموں پر غور کیا گیا۔ پاکستان تحریک انصاف فرانس کے مرکزی راہنمائوں سمیت کارکنان کی بڑی تعداد اس موقع پر موجود تھی۔ اجلاس میں متفقہ طور پر باکردار اور دیانتدار شہرت کے حامل سینئر ترین راہنما اصغر برہان کو پارٹی کے جنرل سیکرٹری کے طور پر نامزد کیا گیا۔

 اصغر برہان  تحریک انصاف کے چیئرمین عمران خان صاحب کے وژن کے مطابق  پارٹی کو لے کر چلنے کی پوری صللاحیت رکھتے ہیں اور تحریک انصاف کی کرپشن کے خلاف تحریک کے ہراول دستہ میں سے ہیں۔ اصغر برہان کی وجہ شہرت ایک دیانتدار اور شریف النفس انسان کی ہے جو کہ ہر فورم پر بہت حکمت عملی کا مظاہرہ کرتے ہیں ۔ ان کی بطور جنرل سیکرٹری نامزدگی پر اس وجہ سے اتفاق کر لیا گیا۔ اور اکثریت نے ان کی شخصیت پر اعتماد کا اظہار کیا  اور پارٹی کے فیصلے پر خراج تحسین پیش کیا۔