سکھر (ویب ڈیسک)پیپلز پارٹی کے رہنما خورشیدشاہ کا کہنا ہے کہ شاید ورلڈ کپ جیتنے والی ٹیم کا کپتان وزیراعظم پاکستا ن بن جائے۔دنیا نیوز کے مطابق خورشید شاہ نے کہا کہ دعا ہے کہ پاکستانی ٹیم ورلڈ کپ جیتے شاید ورلڈ کپ جیتنے والی ٹیم کا کپتان وزیراعظم پاکستا ن بن جائے ۔ انہوں نے کہا کہ وزیر اعظم کو چاہیے کہ مودی سے مسئلہ کشمیر پر بات کریں ، مودی وہ سانپ ہے جو ہمیشہ ڈستا ہے ، وزیراعظم نے ایک بارپھر اپوزیشن سے ہاتھ نہیں ملایا ۔ان کا کہنا تھا کہ سپر پاورز امریکہ اور روس کو مسئلہ کشمیر کے معاملے میں مداخلت کرنا پڑے گی ۔یاد رہے کہ پیپلز پارٹی کے مرکزی رہنماء سید خورشید احمد شاہ نے کہا ہے کہ یہ بڑی بدبختی ہے ہے کہ عمران خان کہتے تھے کہ میں ملک میں سونامی لیکر آؤں گا، سونامی ایک تباہی اور بربادی کا نام ہے، عمران خان وہ لے آئے، آج جو ملک میں خطرناک حد تک مہنگائی ہے اس سے عوام پریشان ہیں، 8 سے 9 ماہ میں مہنگائی نے عوام کی کمر توڑ کر رکھ دی ہے، حکومت کی معاشی پالیسیاں ناکام ہوچکی ہیں، بجلی، گیس اور پٹرول کی قیمتوں میں مسلسل اضافہ ہو رہا ہے، عوام تکلیف میں ہوں تو ہم کیسے چین سے بیٹھیں گے، لوگ سوال کر رہے ہیں کہ آپ ہمارے لئے کب نکلیں گے حکومت کے پاس کچھ نہیں ہے، اپوزیشن کی تحریک ابو بچاؤ نہیں بلکہ ملک بچاؤ غریب بچاؤ تحریک ہوگی، چیئرمین نیب کا معاملہ انکا ذاتی اور اندرونی معاملہ ہے میں اس پر بات نہیں کرنا چاہتا لیکن جو خاتون منظر عام پر آئی ہے وہ پی ٹی آئی کی ہے۔ وہ سکھر سویٹ ہوم میں یتیم بچوں کے ساتھ افطار کے بعد میڈیا سے بات چیت کررہے تھے۔ اپوزیشن کی تحریک ابو بچاؤ نہیں بلکہ ملک بچاؤ غریب بچاؤ تحریک ہوگی،
