لاہور (ویب ڈیسک) سوشل میڈیا پر چھانے والی ویڈیو ایب ‘ٹک ٹاک’ کا بخار مریم نواز کو بھی چڑھ گیا، نواجوانوں بلکہ بچوں اور بوڑھوں کے سر چڑھ کر بھی بول رہا ہے اور ہر کوئی اپنے ٹیلنٹ کا بھر پور اظہار کرنے کیلئے اس ایپ کا سہارا لے تا نظر آرہا ہے، شوبز شخصیات سے لیکر سیاسی رہنما تک ویڈیوز اس ایپ پر دکھائی دیتی ہیں۔ اسی سلسلے میں گزشتہ دونوں ٹک ٹاک پر فیصل غوری نامی صارف کی آئی ڈی سے مسلم لیگ (ن) کی سینئر رہنما اور سابق وزیر اعظم نواز شریف کی صاحبزادی مریم نواز کی ویڈیو بھی دکھائی دی۔ اس ویڈیو میں دیکھا جا سکتا ہے کہ مریم نواز کسی تقریب کے بعد (ن) لیگی خاتون ورکرز سے گلے مل رہی ہیں جب کہ انہوں نے مالٹا رنگ کا لباس پہنا ہوا ہے جس میں وہ کافی پر سکون اور خوبصورت دکھائی دے رہی ہیں۔ خیال رہے کہ جیل سے آنے کے بعد مریم نواز سیاسی میدان میں اس طرح سر گرم نہیں ہیں جس طرح وہ الیکشن سے پہلے تھیں۔ واضح رہے کہ تین مرتبہ کے سابق وزیر اعظم نواز شریف العزیزیہ ریفرنس میں اس وقت 7 سال کی سزا کاٹ رہے ہیں اور کوٹ لکھپت جیل میں قید ہیں۔
https://www.facebook.com/Expresstimespk/videos/785709711792386/?t=0
