ممبئی(ویب ڈیسک)بالی وڈ کے مشہور اداکارنواز الدین صدیقی کی اہلیہ عالیہ صدیقی عرف انجنا کشور پانڈے نے ان پر الزامات کی بوچھاڑ کر دی ہے ۔ ایک کھلے خط میں اداکار اور ان کی فیملی پرجذباتی و جسمانی استحصال کا الزام عائد کرنے والی اداکارہ عالیہ کا کہنا ہے کہ نوازالدین نے
اپنی ’’ پی آر مشینری‘‘ کی مدد سے میری کردار کشی کی کوشش کی لیکن جو کچھ بھی مجھ پر گزرا اس نے مجھے ایک مضبوط عورت بنادیا ہے۔ہندوستان ٹائمز کے مطابق عالیہ کا کہنا ہے کہ صرف شوہرہی نہیں بلکہ ان کے بھائی اورفیملی کے دیگرافراد بھی مجھے ہراساں کرتے تھے۔اپنے کھلے خط میں نوازالدین صدیقی کی اہلیہ نے دعویٰ کہ اس شادی میں انہوں نے بہت کچھ سہا اور اب وہ خاموش نہیں رہیں گی کیونکہ وہ اپنے بچوں اور دوسروں کیلئے صحیح مثال قائم کرنا چاہتی ہیں۔عالیہ کے مطابق نواز خاموش تھے کیونکہ ان کا اسٹارڈم ، پیسہ اورشہرت داؤ پرلگی ہوئی تھی۔ اہلیہ نے الزام عائد کیا کہ میری کردار کشی کی کوشش کی گئی لیکن میں پہلے سے زیادہ مضبوط ہوں اس لیے جھکنے سے انکارکیا۔اس سے قبل پنک ولا کو دیےگئے انٹرویو کے دوران اپنی شادی شدہ زندگی میں درپیش مسائل کے حوالے سے بات کی تھی۔ عالیہ نے اپنے شوہر نوازالدین صدیقی پر منی لانڈرمگ اور دھوکہ دہی کا الزام عائد کیا تھا۔عالیہ نے الزام عائد کیا تھا کہ جب وہ پہلی بارامید سے تھیں تو نوازالدین دوسری عورتوں کو لے آیا کرتے تھے۔اس سے قبل 19 مارچ کو نواز الدین صدیقی کی 46ویں سالگرہ والے دن عالیہ نے انہیں خلع کا نوٹس بھجوایا تھا۔ ان کا کہناتھا کہ میرے اور نوازکے درمیان گزشتہ 10سال سے کچھ مسائل چل رہے تھے۔ لاک ڈاؤن کے دوران میں نے کافی سوچ بچار کے بعد یہ فیصلہ کیا کہ اب یہ شادی ختم کردی جائے۔بجرنگی بھائی جان، گینگ آف واسع پوراور بدلہ پور جیسی دیگرکامیاب ترین فلموں کے اداکار نے 2009 میں عالیہ سے شادی کی تھی۔اس جوڑی کے2بچے بیٹی شورا اور بیٹا یانی صدیقی ہیں۔ نوازالدین کی یہ دوسری شادی ہے۔
اداکار نواز الدین صدیقی تو بڑا رنگباز نکلا ۔۔۔۔ اہلیہ عالیہ صدیقی کے انکشافات نے ہلچل مچا دی
