چالیس منٹ لیٹ آنے والا ٹیچر غیر حاضر تصورہوگا، سرکاری سکولز کی مانیٹرنگ کیلئے نیا ہدایت نامہ جاری

پنجاب حکومت نے نئے ایس او پیز جاری کر دئیے جبکہ ایس ڈی او ایجوکیشن کو تمام سکولز کی ٹائمنگ ڈسٹرکٹ مانیٹرنگ آفس فراہم کرنے کی ہدایت کردی گئی ہے۔ مانیٹرنگ اسسٹنٹ کو دوران سکول وزٹ اساتذہ اور ٹیچر حاضری بھی چیک کرنے،س کول کونسل رجسٹر، نان سیلری بجٹ اور فروغ تعلیم فنڈ سمیت دیگر ریکارڈ کا جائزہ لینے کی بھی ہدایت کی گئی ہے۔ نئے ایس او پیز کے مطابق مانیٹرنگ اہلکار فری کتابوں کی تقسیم کا بھی جائزہ لیں گے اور بغیر یونیفارم بچوں کی نشاندہی کرنے کا بھی حکم دیاگیا ہے۔ مانیٹرنگ اسسٹنٹس کو وزٹ فارم کی تصویر بنا کر انٹرنیٹ پر اپ لوڈ کرنے کی بھی ہدایت کی گئی ہے۔