لالہ موسیٰ (محمدمنشاء بٹ )نوید سحر کالج لالہ موسیٰ کا اعزاز ہونہار طالبہ نے سیکنڈائیر پارٹ ٹو کے امتحان میں گوجرانوالہ بورڈ میں نمایاں پوزیشن حاصل کرکے حکومت پنجاب کی جانب سے 80000سکالر شپ حاصل کرلی ۔ تفصیلات کے مطابق لالہ موسیٰ کی معیاری درس گاہ نوید سحر کالج کی ہونہار طالبہ خدیجہ یاسمین نے گوجرانوالہ کے زیر اہتمام سیکنڈ ائیر پارٹ ٹو کے امتحان میں 9thپوزیشن حاصل کرلی جس پر حکومت پنجاب کی جانب سے طالبہ کیلئے 80ہزار روپے سکالر شپ دینے کا اعلان کیا گیا طالبہ نے اس اعزا ز کو اللہ تعالیٰ کا فضل وکرم اساتذہ کی محنت اور والدین کی دعاؤں کا نتیجہ قرار دیا ہے دریں اثنا ء معززین علاقہ نے نوید سحر کالج کے شاندار نتائج پر ڈائریکٹر تنویر اختر اور پرنسپل مسز تنویر اختر کو مبارکباد پیش کی ہے یادرہے کہ کالج ہذا کی طالبات ہر سال بورڈ میں نمایاں پوزیشن حاصل کرتی ہیں شاندار نتائج کی بدولت میٹرک سے فارغ التحصیل طالبات کی بڑی تعداد نوید سحر کالج میں داخلہ لیتی ہے اور والدین بھی بہترین ماحول اور تدریس سے مطمئن ہے
