لاہور (ویب ڈیسک) سینئر صحافی اور تجزیہ کار نے پروگرام میں گفتگو کرتے ہوئے کہ بھارت کو جوڑنے والا سیکولرازم کا دھاگہ ٹوٹ گیا ہے۔ پنجاب میں حکومت نے اب اچھے افسر لگائے ہیں، چیف سیکٹری کا عہدہ ختم نہیں ہو سکتا، عمران خان یو ٹرن والی پالیسی چھوڑ دیں، بتدریج کام کریں۔
تجزیہ کار ہارون الرشید نے کہا ہے کہ دنیا میں پہلی بار بھارت کا فاشسٹ چہرہ بے نقاب ہو رہا ہے ، امریکی کانگریس میں قرار داد پیش کرنے والی خاتون کا تعلق بھی بھارت سے ہے ، کینیڈا میں بھی کشمیر کے حوالے سے قرار داد پیش کی جا چکی ہے ۔ پروگرام مقابل میں گفتگو کرتے ہوئے انہوں نے کہا بھارت کو جوڑنے والے سیکولرازم کا دھاگہ ٹوٹ چکا ہے ، ہندو توا بھارت کو لے ڈوبے گا۔ ہارون الرشید نے کہا کہ عمران خا ن کا دنیا میں اثر ہے اور کہیں جائے تو اس کی بات سنی جائے گی مگر وہ بالکل خاموش ہے ، انہیں صرف نواز شریف کی فکر ہے ۔ ایک سوال کے جواب میں انہوں نے کہا ٹرانسپرنسی انٹرنیشنل کا یہی رول ہے کہ وہ شفافیت کیلئے کام کرے ، ملک ریاض کے سب کے ساتھ تعلقات ہیں، کوئی بھی ان کی پہنچ سے دور نہیں ،برطانیہ سے ہونے والی سیٹلمنٹ کے بارے میں لگتا ہے کہ سارے ہی ملوث ہیں۔ انہوں نے کہا اس میں کوئی شک نہیں کہ جنوبی پنجاب کے مقابلے میں لاہور کے شہری پر زیادہ فنڈز لگتا تھا، اب اس کی نوعیت بدل گئی ہے ۔ انہوں نے کہا بلدیاتی ادارے بنائے جائیں اور ان کے ذریعے اضلاع میں ترقیاتی کام کرائے جائیں، پنجاب حکومت نے اب صوبے میں اچھے افسر لگائے ہیں، چیف سیکرٹری کا عہدہ ختم نہیں ہو سکتا۔ انہوں نے کہا عمران خان یوٹرن والی پالیسی چھوڑیں اور بتدریج کام کریں، جادو ٹونے کا تو مجھے عمل نہیں تاہم توہم پرستی میں کوئی شک نہیں، عمران خان بھی پیروں کے پاس بہت جاتے ہیں۔
