کھاریاں(ایم جعفری سے) درندگی کی انتہا، 14سالہ لڑکی کو زیادتی کے بعد گلا کاٹ کر ہلاک کر دیاگیا۔ محلہ ستار پورہ کے رہائشی پرویز اختر کی چودہ سالہ بیٹی ردا گھر سے محلے کے ایک فوتیدگی والے گھر جانے کیلئے نکلی جب دو تین گھنٹے بعد بھی وہ واپس نہ آئی تو اہل خانہ نے تشویش کے پیش نظر اس کی تلاش شروع کر دی۔ شک پڑنے پر محلے کے ایک بند مکان کی دیوار پھلانگ کرجب اندر سے چیک کیا گیا تو لڑکی کی لاش ایک کمبل میں لپٹی مل گئی۔ پولیس تھانہ صدر کھاریاں نے بچی کے والد پرویز اختر کی درخواست پر ابو بکر اور دو نامعلوم ملزمان کے خلاف مقدمہ درج کر کے تفتیش شروع کر دی ہے۔ اہل محلہ کے مطابق چند روز قبل اسی بند مکان کی چھت پر بیٹھ کر ابوبکر اور چند دوسرے اوباش نوجوان شراب کے نشے میں دھت ہو کر گاتے بجاتے رہے تھے جس پر ردا کے گھر والوں نے انہیں منع کیا تھا۔ اسی رنجش کا بدلہ ملزمان نے معصوم ردا بتول کی زندگی کے ساتھ کھیل کر لیا۔
