قصور کی معصوم زینب کا قاتل اور زیادتی کا ملزم ہاتھ نہ آسکا جبکہ واقعہ کی ایک اور سی سی ٹی وی ویڈیو سامنے آگئی۔

ویڈیو میں ایک شخص کو زینب کو اشارے سے بلاتے دیکھا جاسکتا ہے، ویڈیو میں شلوار قمیض اور کوٹ پہنا شخص زینب کو بلانے کا اشارہ کرتا ہے، فراک اور لانگ شوز پہنی زینب اس شخص کی جانب دوڑتی ہے۔ پنجاب کے ضلع قصور سے اغوا کی جانے والی 7 سالہ بچی زینب کو زیادتی کے بعد قتل کردیا گیا جس کی لاش 9 جنوری کو کچرا کنڈی سے ملی۔ زینب کے قتل سے ملک بھر میں غم و غصے کی لہر دوڑ گئی اور قصور میں پُرتشدد مظاہروں کے دوران پولیس کی فائرنگ سے 2افراد جاں بحق ہوگئے تھے۔ چیف جسٹس پاکستان اور چیف جسٹس لاہور ہائیکورٹ نے بھی زینب کے قتل کا نوٹس لے رکھا ہے۔