پیرس، تحریک انصاف کے قائد وزیراعظم عمران خان کے 67ویں سالگرہ پر پی ٹی آئی فرانس کے زیراہتمام سالگرہ کی پروقار تقریب،امت مسلمہ کی بھرپورترجمانی پرخراج تحسین، یاسرخان
پیرس؍اسلام آباد(ایس ایم حسنین) پاکستان تحریک انصاف فرانس کے سینئر راہنما یاسرخان نے کہا کہ امت مسلمہ کے موثر دفاع اورترکی اورملائشیا کیساتھ مل کر اسلام کے دفاع کیلئے وزیراعظم عمران خان نے جوخدمات انجام دی ہیں پاکستان اوردنیا بھر کے مسلمان وزیراعظم پاکستان کے مشکور ہیں۔ وہ وزیراعظم عمران خان کی 67ویں سالگرہ کے موقع پر منعقدہ سالگرہ کی پروقار تقریب سے خطاب کررہے تھے۔ انہوں نے کہا کہ میں تمام راہنمائوں اورکارکنوں اور وزیراعظم پاکستان جناب عمران خان اور ان کے اہلخانہ کو مبارکباد پیش کرتا ہوں اللہ تعالیٰ ایسی بے پناہ خوشیاں عظیم وزیراعظم عمران خان اور ان کے اہلخانہ کو نصیب فرمائیں۔
