Uzair Baloch
دبئی (یس ڈیسک) لیاری گینگ وار کے اہم کردار عزیر بلوچ کی حوالگی کے متعلق مزید دستاویزات پاکستانی قونصل خانے کو موصول ہوگئیں ہیں، دستاویزات میں شناختی کارڈ اور دیگرمعلومات شامل ہیں۔ ذرائع کے مطابق پاکستانی وزارت داخلہ نے عزیر بلوچ کی مزید دستاویزات دبئی میں پاکستانی حکام کو بھیج دی ہیں۔
مصدقہ دستاویزات میں عزیر بلوچ کے پاسپورٹ، شناختی کارڈ اور خاندانی معلومات درج ہیں، نئی دستاویزات دبئی انٹرپول کے سپرد کی جائیں گی، ذرائع نے بتایا کہ عزیر بلوچ کے دو شناختی کارڈ اور زائد المعیاد پاسپورٹ کی وجہ سے قانونی پیش رفت میں دشواری ہورہی ہے۔
