واقعہ گورکھ پور میں پیش آیا جہاں قریبی جنگل سے چیتے نے حملہ کر کے سات افراد کو زخمی کر دیا ، لوگوں نے ڈنڈوں سے وار کر کے چیتے کو مار ڈالا
گورکھ پور (یس اُردو) بھارتی ریاست اتر پردیش میں چیتے کے حملے میں سات افراد زخمی ہوگئے ، گاؤں والوں نے ڈنڈوں سے چیتے کو مار ڈالا ۔ یہ واقعہ اتر پردیش کے ضلع گورکھ پور میں پیش آیا جہاں قریبی جنگل سے ایک چیتا آبادی میں گھس گیا ۔ چیتے کے حملے میں تین سالہ بچے سمیت سات افراد زخمی ہو گئے ۔ گاؤں والوں نے ڈنڈوں اور لاٹھیوں کی مدد سے چیتے کو مار ڈالا ۔ لوگوں کا کہنا تھا کہ چیتے نے کئی روز سے گاؤں والوں کا جینا حرام کیا ہوا تھا ۔ بھارت میں جنگلی درندوں کے حملوں میں ہر سال سینکڑوں افراد زخمی ہوتے ہیں ۔
