بلوچستان کے ضلع قلات میں مسافر ویگن اور ٹرک میں تصادم کے نتیجے میں6 افراد جان بحق اور4 زخمی ہوگئے، جبکہ سندھ کے ضلع بدین میں بھی ٹرک اور مسافر وین میں ٹکر سے 2افراد جاں بحق اور 16زخمی ہوئے ہیں۔
پولیس کے مطابق قلات میں کوئٹہ کراچی قومی شاہراہ پر تاریکی کے مقام پہ مسافر ویگن اٹرک سے ٹکرا گئی، حادثے میں 6افراد جاں بحق اور4 شدید زخمی ہوئے۔ حادثے کا شکار ہونے والی بس کوئٹہ سے خضدار جارہی تھی، زخمیوں کو ٹیچنگ اسپتال خضدارمنتقل کردیاگیا ہے۔ بدین میں نندو کھوسکی روڈ پر بھی مسافر وین اور ٹرک میں ٹکر ہوگئی، حادثے میں وین ڈرائیور سمیت 2افراد جاں بحق اور16 زخمی ہوگئے۔ حادثے کے بعد مقامی افراد نے امدادی کارروائی کرتے ہوئے زخمیوں کو اسپتال منتقل کیا۔
