اسلام آباد: آج پاکستان سمیت دنیا بھر میں جمعۃ الوداع انتہائی عقیدت اور احترام سے منایا جارہا ہے۔ماہ مبارک رمضان کے آخری جمعہ کو جمعۃ الوداع کے طور پر منایا جاتا ہے، آج ملک بھر کی مساجد میں خصوصی عبادات ادا کی جائیں گی۔اس موقع پر ملک کی ترقی، خوشحالی اور عالم اسلام کی سربلندی کے لیے خصوصی دعائیں کی جائیں گی اور علمائے کرام جمعۃ الوداع کی اہمیت بیان کریں گے۔آج پاکستان سمیت دنیا کے کئی ملکوں میں فلسطینیوں سے اظہار یکجہتی اور القدس کی آزادی کے عزم کے ساتھ یوم القدس منایاجارہا ہے۔اس سلسلے میں ملک بھر میں القدس ریلیوں کا اہتمام کیا گیا ہے، جس کے دوران فلسطین کی آزادی کے لیے حمایت کا اعادہ کیا جائے گا۔ٹریفک پولیس کی جانب سے یوم القدس کی ریلی کا ٹریفک پلان بھی جاری کردیا گیا۔ٹریفک پولیس کے مطابق یوم القدس کے موقع پر ریلی نمائش سے تبت سینٹر تک نکالی جائے گی۔ٹریفک پولیس کے مطابق تین ہٹی سے آنے والے ٹریفک کو سولجر بازار موڑا جائے گا، لسبیلہ سے آنے والے ٹریفک کو پیپلزچورنگی، پریڈی اسٹریٹ سے تبت سینٹر جانے والے ٹریفک کو کوریڈور تھری، فریسکو چوک سے تبت سینٹر جانے والے ٹریفک کو جوبلی کی طرف موڑا جائے گا۔ٹریفک پلان کے مطابق لکی اسٹار سے آنے والے ٹریفک کو کوریڈور تھری اور گارڈن سے کوسٹ گارڈ آنے والے ٹریفک کو سولجر بازار کی جانب موڑا جائے گا۔دوسری جانب ایک خبر کے مطابق ماہ مبارک رمضان کے آخری جمعہ کو جمعة الوداع کے طور پر منایا جاتا ہے، آج چونکہ رمضان المبارک کا چوتھا جمعہ ہے جبکہ اس بارے میں واضح نہیں ہے کہ اگلے جمعہ کو عید ہوگی یا روزہ ، اس لیے آج ہی دنیا بھر میں جمعة الوداع منایا جارہا ہے۔ آج مساجد میں نماز جمعہ کی ادائیگی کے دوران ملک کی ترقی، خوشحالی اور عالم اسلام کی سربلندی کے لیے خصوصی دعائیں کی جائیں گی ۔علاوہ ازیں آج ہی پاکستان سمیت دنیا کے کئی ملکوں میں فلسطینی بھائیوں سے اظہار یکجہتی اور القدس کی آزادی کے عزم کے ساتھ یوم القدس منایاجارہا ہے۔اس سلسلے میں ملک بھر میں القدس ریلیوں کا اہتمام کیا گیا ہے، جس کے دوران فلسطین کی آزادی کے لیے حمایت کا اعادہ کیا جائے گا۔
پاکستان سمیت دنیا کے کئی ممالک میں آج جمعۃ الوداع اور یوم القدس منایا جا رہا ہے
