پاکستان پیپلز پارٹی کے چیئرمین بلاول بھٹو زرداری سے پی پی پی کے رہنما چوہدری منظور، سینیٹرشیری رحمان اورفیصل کریم کنڈی نے ملاقات کی ہے۔

 پیپلز پارٹی 30 نومبر کو 50 سال کی ہو جائے گی، پارٹی کی 50 ویں سالگرہ منانے کے لیے بلاول بھٹو زرداری نے سینئر رہنماؤں سے ملاقات میں گولڈن جوبلی تقریبات پر مشاورت کی۔اس موقع پر بلاول بھٹوزرداری نے پیپلزپارٹی کی گولڈن جوبلی بھرپور انداز میں منانے کا اعلان کرتے ہوئے کہا کہ پیپلز پارٹی کی قیادت اور جیالے ایک بار پھر عوام سے تجدید عہد کریں گے۔انہوں نے مزید کہا کہ ہم پرامن، روشن خیال، ترقی پسند اور جمہوری پاکستان کے لیے جدوجہدکےعزم پرقائم ہیں،ہم اپنی گولڈن جوبلی تقریبات میں بھٹو کے اسی فلسفے کا اعادہ کریں گے۔چیئرمین پی پی پی بلاول بھٹو زرداری کا یہ بھی کہنا ہے کہ ذوالفقار علی بھٹو نےپارٹی کی بنیاد رکھ کرعوام سےجووعدے کیے ان کا بھی اسی جذبے سے اعادہ کریں گے۔