اسلام آباد: ترجمان وزارت خزانہ نے کہا کہ حکومت کی جانب سے زرعی قرضہ 336 ارب سے بڑھا کر 704 ارب تک پہنچایا گیا، مالیاتی خسارہ 8.2 فی صد سے کم کر کے 5.8 فی صد پر لایا گیا، بجلی کا شارٹ فال 5000 میگا واٹ سے کم کر کے 2000 میگا واٹ پر لایا گیا۔
وزارت خزانہ کے ترجمان نے کہا ہے کہ تحریک انصاف کے معیشت سے متعلق بیانات حقائق کے منافی ہین، موجودہ حکومت نے معاشی ترقی کی شرح 5.3 فیصد تک پہنچائی۔ ترجمان وزارت خزانہ نے کہا کہ حکومت کی جانب سے زرعی قرضہ 336 ارب سے بڑھا کر 704 ارب تک پہنچایا گیا۔ صنعتی ترقی کی شرح 0.75 فی صد سے بڑھا کر 5.02 فی صد تک پہنچائی اور معیشت میں سرمایہ کاری کا حصہ 14.9 فیصد سے بڑھا کر 15.7 فی صد کیا گیا۔ زرمبادلہ کے ذخائر 7.5 ارب ڈالر سے بڑھا کر 20 ارب ڈالر تک پہنچائے۔ ترجمان نے کہا کہ مالیاتی خسارہ 8.2 فی صد سے کم کر کے 5.8 فی صد پر لایا گیا، بجلی کا شارٹ فال 5000 میگا واٹ سے کم کر کے 2000 میگا واٹ پر لایا گیا۔
