اگلا جرمن چانسلر کون ہوگا؟ جرمنی کے عام انتخابات آج ہورہے ہیں، قدامت پسند کرسچن ڈیموکریٹک پارٹی کی انجیلا مرکل اور بائیں بازو کی سوشل ڈیموکریٹک پارٹی کے مارٹن شُلس کے درمیان کڑا مقابلہ متوقع ہے۔

دارالحکومت برلن میں پولنگ کا آغاز مقامی وقت کے مطابق صبح 8 بجے شروع ہوگا، پولنگ شام 6چھ بجے تک جاری رہے گی، انتخابات کے دن میراتھون ریس کا بھی انعقاد کیا جارہا ہے۔ اس موقع پر شہر بھر میں ڈیڑھ ہزار سے زائد پولیس اہلکار تعینات ہوں گے۔ تازہ ترین سروے کے مطابق حکمران اتحادی جماعتوں، کرسچن ڈیمو کریٹک یونین اور کرسچن سوشل یونین کو 38فیصد پسندیدگی کے ساتھ سوشل ڈیمو کریٹک پارٹی پر برتری حاصل ہے۔

انجیلا مرکل 59 پوائنٹس کے ساتھ سر فہرست اور مارٹن شلس 33 پوائنٹس کے ساتھ دوسرے نمبر پر ہیں۔ 25ستمبر کو انتخابات جیتنے والے امیدواروں کا اعلان کیا جائے گا۔