لاہور (ویب ڈیسک) معروف صحافی ہارون الرشید نے کہاہے کہ عمران خان نے عثمان بزدار کو وزیر اعلیٰ پنجاب بنانے کیلئے جہانگیر ترین اور چودھری سرور سے بھی مشور ہ نہیں کیا ، یہ ایک غلط فیصلہ تھا ، عمران خان نے کے پی کے میں پرویز خٹک سے بہت دکھ اٹھائے ہیں۔
نجی ٹی وی کے پروگرام میں تبصرہ کرتے ہوئے ہارون الرشید نے کہا کہ ایک وفاقی وزیر نے مجھے بتایا ہے کہ ہم نے باہم مشورہ کیا کہ پنجاب کا وزیر اعلیٰ طاقتور ہوتاہے یا وزیر اعظم تو پتہ چلا کہ پنجاب کا وزیر اعلیٰ طاقتور ہوتاہے ۔ انہوں نے کہا کہ عمران خان نے کے پی میں پرویز خٹک سے بہت دکھ اٹھائے ہیں کیونکہ اس نے اپنا گروپ بنا لیا تھا لیکن اس بات کو بھی مدنظر رکھنا چاہئے کہ ڈمی وزیر اعلیٰ نہیں چل سکتا ، عثمان بزدار اہل نہیں ہیں اور قوت فیصلہ سے محروم ہیں۔ انہوں نے کہا کہ اقتدار ایسی چیز ہے کہ اس پر گرفت رکھنا پڑتی ہے ، عثمان بزدار کو وزیر اعلیٰ بنانا ایک غلط فیصلہ تھا اور اس کو ہٹانا پڑے گا ۔ عمران خان کرکٹ اور فنڈ ریزنگ کوسمجھتے ہیں ، ادارے تعمیر کرسکتے ہیں لیکن سیاسی ادارے وہ تعمیر نہیں کرسکتے ،عمران خان کو سیاسی ادارے تعمیر کرنے کیلئے درست لوگوں سے مشورہ کرنا پڑے گا ۔انہوں نے کہا کہ عمران خان نے عثمان بزدار کو وزیر اعلیٰ پنجاب بنانے کیلئے جہانگیر ترین اور چودھری سرور سے بھی مشور ہ نہیں کیا ۔
عمران خان کا یہ فیصلہ غلط ہے ، انہوں نے جہانگیر ترین اور چودھری سرور سے بھی مشورہ نہیں کیا، معروف صحافی ہارون الرشید نے وزیراعظم کی پالیسیوں اور فیصلوں پر سوالیہ نشان لگا دیا
