لندن: برطانوی وزیراعظم تھریسا مے نے یورپی یونین پر الزام لگایا ہے کہ وہ میڈیا میں پروپیگنڈے کے ذریعے برطانوی انتخابات پر اثرانداز ہونے کی کوشش کر رہی ہے۔

The European Union is trying to influence the British election, accused Theresa May

ٹین ڈاؤننگ اسٹریٹ کے باہر میڈیا سے گفتگو میں تھریسا مے نے کہا کہ یورپی یونین سے برطانیہ کی علیحدگی (بریگزٹ) کے حوالے سے مذاکرات شروع ہونے کے بعد سے یورپی یونین نے برطانیہ کے خلاف سخت رویہ اپنا لیا ہے اور میڈیا کے ذریعے برطانیہ مخالف پروپیگنڈا کیا جارہا ہے۔

ان کا کہنا تھا کہ اس ساری کارروائی کا مقصد برطانیہ میں آئندہ ماہ ہونے والے عام انتخابات پر اثرانداز ہونا ہے۔ دوسری جانب حزبِ اختلاف کی جماعتوں نے برطانوی وزیراعظم کے اس دعوے کو انتخابی چال بازی قرار دے دیا ہے تاکہ وہ آئندہ عام انتخابات میں زیادہ سے زیادہ برطانوی ووٹروں کی ہمدردیاں حاصل کرسکیں۔