ڈونلڈ ٹرمپ کے ایک حامی نے مسلمان خاتون پر حملہ کردیا اور انہیں دھمکی دے دی کہ اب ٹرمپ آگیا ہے، وہ جلد تم سب سے چھٹکارا حاصل کر لے گا۔
مذکورہ شخص نے با حجاب خاتون پر تشدد بھی کیا،پولیس نے حملہ آور رابن روہڈز کو گرفتار کر لیا۔ڈونلڈ ٹرمپ نے صدارت کا عہدہ کیا سنبھالا ،ان کے حامی شیر ہو گئے، مسلمانوں کے خلاف کھل کر نفرت کا اظہار کرنے لگے ۔مسلم دشمنی کا تازہ واقعہ نیویارک کے جان ایف کینیڈی ائرپورٹ پر پیش آیا،57سالہ مسافر رابن روہڈز نے ڈیلیٹا ائرلائنز کی ملازم خاتون ربیعہ خان پر حملہ کردیا اور انہیں مارا۔رابن روہڈز نے کیبن کا دروازہ توڑا اور حجاب پہنی مسلمان خاتون کو نفرت انگیز لہجے میں پکارتے ہوئے پوچھا کیا تم عبادت کر رہی ہو؟اس نے خاتون پر تشدد کیا اور دھمکایا کہ اب اب ٹرمپ آگیا ہے، وہ بہت جلد تم سب سے چھٹکارا حاصل کر لے گا ۔رابن روہڈز کو پولیس نے حراست میں لے لیا ہے، ڈسٹرکٹ اٹارنی آفس کے مطابق رابن کو جرم ثابت ہونے پر چار سال قید ہوسکتی ہے۔
