وزیر اعلیٰ پنجاب شہبازشریف نے غیررجسٹرڈ اسٹنٹ خریدنےاورمریضوں کو لگانے پر برہمی کا اظہارکرتے ہوئے کہا ہے کہ محکمہ صحت اورڈرگ ریگولیٹری اتھارٹی نےاپنی ذمےداریاں ادانہیں کیں۔
وزیراعلیٰ پنجاب شہبازشریف کی زیرصدارت اجلاس میں وزیراعلیٰ معائنہ ٹیم کی جانب سےغیررجسٹرڈ اسٹنٹ سےمتعلق رپورٹ پیش کردی گئی۔وزیراعلیٰ شہبازشریف نے غیررجسٹرڈ اسٹنٹ سےمتعلق اسپتالوں کےآڈٹ کاحکم دے دیا،ان کا کہنا تھا کہ ملتان اورفیصل آباد میں رجسٹرڈ اسٹنٹ لگائےگئے توباقی اسپتالوں میں کیوں نہیں لگائے گئے؟وزیراعلیٰ پنجاب نے رجسٹرڈ اسٹنٹ لگانے پر ملتان اور فیصل آباد انسٹی ٹیوٹ آف کارڈیالوجی کو شاباش دیتے ہوئے اس عزم کا اعادہ کیا کہ غیررجسٹرڈ اسٹنٹ کی مافیا کا گٹھ جوڑ توڑ دیں گے۔
