سپین (زاہد مصطفیٰ اعوان) پاکستانی نژاد اور پیپلز پارٹی سپین کے کوارڈی نیٹر حافظ عبدالرزاق صادق کتلان پارلیمینٹ کے انتخابات میں سپین کی سوشلسٹ پارٹی کی طرف سے ستمبر2015 کے انتخابات میں حصہ لینے والے امیدواروں کی فہرست میں شامل کرلیے گئے، انتخابات میں حصہ لینے والوں کی فہرست میں پاکستانی حافظ عبدالرزاق 23 ویں نمبر پر ہیں۔
فہرست ڈویژن بارسلونا کی طرف سے جاری کی گئی ہے جس کی کتلان پارلیمینٹ میں85 سیٹیں ہیں کتلان پارلیمینٹ کی کل سیٹوں کی تعداد135 ہے۔ بارسلونا میں پاکستانی کمیونٹی کی جانب سے حافظ عبدالرزاق صادق کو منتخب کیے جانے پرخوشی کا اظہار اور مٹھائی بانٹی گئیں۔
حافظ عبدالرزاق صادق کا کہنا تھا کہ پاکستانی ہونے پرٖ فخر ہے اور انتخاب جیت کر پاکستانی کمیونٹی کے مسائل کی آواز کوکتلان کی پارلیمنٹ میں اٹھاؤں گا اور پاکستانیوں کی بہتری کیلئے کام کروں گا۔
