پیرس : پاکستان تحریک انصاف نے یورپ میں اپنے مرکزی الیکشن آفس کو قائم کر کے ایک اہم سنگ میل عبور کر لیا اور کل شام پیرس فرانس میں کسی بھی سیاسی جماعت کی جانب سے سب سے پہلا مرکزی الیکشن آفس قائم کر کے حقیقی معنوں میں یورپ کے اندر پارٹی کو ایک مضبوط بنیاد فراہم کر دی ہے اور اس کا سہرا تحریک انصاف فرانس کے سینئر رہنما اور چئیرمین مصالحتی کمیٹی برائے تحریک انصاف یورپ مشتاق خان جدون اور چیف الیکشن کمیشنر برائے انٹرا پارٹی الیکشن تحریک انصاف یورپ ملک عطا محمد کے سر جاتا ہے۔
جنہوں نے پارٹی کے مرکزی رہنما آرگنائزر برائے تحریک انصاف یورپ احمد جواد کی ہدایات کی روشنی میں اس کام کو پایہ تکمیل پر پہنچایا اس موقع پر ایک شاندار تقریب کا انقعاد کیا گیا جس میں کثیر تعداد میں تحریک انصاف فرانس کے رہنماؤں و کارکنان نے شرکت کی جبکہ اس موقع پر الیکٹرانک و پرنٹ میڈیا بھی کثیر تعداد میں موجود تھے تقریب کی نظامت کے فرائض سینئر رہنما یاسر قدیر نے سرانجام دیے جبکہ عارف مصطفائی نے تلاوت قران پاک سے تقریب کا آغاز کیا۔
اس موقع پر حاضرین سے خطاب کرتے ھوئے چیف الیکشن کمیشنر برائے یورپ ملک عطا محمد نے انٹرا پارٹی الیکشنز کے حوالے سے تفصیلی معلومات دیں اور الیکشن کمیشن کے طریقہ کار اور یورپ میں ہونے والے انٹرا پارٹی انتخابات کے حوالے سے پیش آنے والے تجربات و مشکلات سے آگاہ کیا انہوں نے الیکشن کمیشن کے دیگر اراکین کی خدمات کا اعتراف کرتے ھوئے انھیں خراج تحسین پیش کیا اور مشتاق خان جدون کو مبارکباد پیش کی کہ انہوں نے تحریک انصاف کے لیے مرکزی الیکشن آفس فراہم کیا۔
اپنے خطاب میں چئیرمین مصالحتی کمیٹی برائے تحریک انصاف یورپ مشتاق خان جدون نے تمام حاضرین کا شکریہ ادا کرتے ہوئے کہا کہ وہ اپنے ملک و قوم اور پاکستان تحریک انصاف کی خدمت کے لیے جو بھی ہو سکا کرنے کو تیار ہیں اور وہ تحریک انصاف کو یورپ میں ایک منظم پارٹی کے طور پر کھڑا دیکھنا چاہتے ہیں انہوں نے اس موقع پر یورپ میں تحریک انصاف کی کارگردگی اور آنے والے دنوں میں تحریک انصاف یورپ کے حوالے سے مختلف کمیٹیوں اور شعبہ جات کے حوالے سے تفصیلی تبادلہ خیال کرتے ھوئے یقین دلایا کہ کارکنان کو بہت جلد تحریک انصاف یورپ کے حوالے سے اچھی خبریں سننے کو ملیں گیں اور یورپ بھر میں تحریک انصاف ایک منظم و مضبوط سیاسی جماعت بن کر سامنے آئے گی۔
اس موقع پر تحریک انصاف فرانس کی الیکٹڈ باڈی کی نمائندگی کرتے ھوئے سیکرٹری اطلاعات و نشریات چودھری امتیاز کدھر نے مشتاق خان جدون و ملک عطا محمد کو مبارک بعد پیش کرتے ھوئے اپنی اور تحریک انصاف فرانس کی جانب سے بھر پور تعاون کی یقین دہانی کرائی حاضرین سے خطاب کرتے ھوئے تحریک انصاف فرانس کے سینئر رہنما میاں ذولفقار جتالہ نے مشتاق خان جدون و ملک عطا محمد کو خراج تحسین پیش کیا کہ انہوں نے فرانس میں پہلا مرکزی الیکشن آفس برائے یورپ بنا کر تحریک انصاف فرانس کو یہ اعزاز بخشا،انہوں نے اس موقع پر پارٹی کے حوالے سے تفصیلی معلومات بھی دیں۔
سینئر رہنما اصغر علی شمشی نے تمام حاضرین و و تقریب کے میزبانوں کا شکریہ ادا کرتے ھوئے کہا کہ انھیں آج کی تقریب میں شرکت کر کے دلی مسرت حاصل ہوئی ہے اس کے علاوہ محترمہ آصفہ ہاشمی و ناصرہ فاروقی نے بھی انٹرا پارٹی الیکشنز و موجودہ پارٹی قوانین کے حوالے سے سوالات و اپنے تحفظات سے آگاہی دی۔
اس موقع پر تحریک انصاف فرانس کے سینئر رہنما چودھری طاہر اقبال،چودھری منور جٹ،ابرار کیانی، چودھری سہیل بھدر،خالد پرویز چودھری،گلزار لنگڑیال،اشفاق احمد چودھری ،تسلیم اشرف، راجہ طاہر سدوال، سید ظریف شاہ، طارق ندیم ارائیں،مرزا آصف جرال، مبارک خان جدون ،مبشر چودھری، ملک ارشد ربانی ،عاصم ایاز،شاہد گوندل،حاجی ابرار لہری،آصف جاوید،عاطف مجاہد،فضل مغل، جدون احمد ،شہلا رضوی، صائمہ بابری، سمیحہ بابری، عنبرین بیبی و دیگر بھی موجود تھے تقریب کے آخر میں منتظمین نے تمام میڈیا صاحبان و تحریک انصاف فرانس یوتھ کے نوجوانان حاجی ابرار لہری،آصف جاوید،عاطف مجاہد،فضل مغل کا خصوصی شکریہ ادا کیا جنہوں نے تقریب کی کامیابی کے لیے تمام انتظمات کئے۔
