کراچی میں خیبرپختونخوا میں تعینات ڈی آئی جی پشاور کے بیٹے کے قتل کی تحقیقات میں پیش رفت ہوئی ہے۔ملزم فقیرمحمد نےقتل کے لیےرسی اور دستانے پہلے سے خرید رکھے تھے۔
ذرائع کے مطابق ملزم نےمقتول عمیرشہاب کی والدہ کوبھی قتل کرنے کی کوشش کی۔ڈی آئی جی کی اہلیہ کےکمرے کےسوئچ بورڈ پر خون کے نشان ہیں۔ ایس پی کلفٹن اسد ملہی نے مقتول کے دیگر اہلخانہ پرقاتلانہ حملے کی تردید کی ہے۔پولیس نے ملزم کو گرفتار کر کے آلہ قتل قبضے میں لے لیا۔قتل کی مزید تحقیقات جاری ہیں۔ تحقیقاتی ذرائع کے مطابق ملزم فقیر محمد چھ ماہ کے لیے ڈی آئی جی پشاور کے بنگلے پر تعینات ہوا تھا۔ گزشتہ شب فقیر محمد کی آخری ڈیوٹی تھی، صبح اسے کشمور روانہ ہوجانا تھا۔ واردات رات 12بجے کے بعد ہوئی ہے۔
