ڈیوس (زاہد مصطفی اعوان) وزیراعظم نواز شریف دورہ سوئٹزرلینڈ پر ڈیوس پہنچ گئے ہیں۔ وزیر اعظم میاں محمدنواز شریف ورلڈ اکانومک فورم کے سالانہ اجلاس میں شرکت کریں گے۔ورلڈ اکانومک فورم کا اجلاس 20 سے 25 جنوری تک سوئٹزرلینڈ کے شہر ڈیوس میں ہوگا۔
وزیراعظم نواز شریف ورلڈ اکانومک فورم کے اجلاس میں سرمایہ کاری، تجارت اور کاروبار کے لیے پاکستان میں مواقع سے شرکا کو آگاہ بھی کریں گے۔
وزیراعظم نواز شریف کئی بین الاقوامی تقریبات میں بھی شرکت کریں گے اور یورپ کی جدید ترین نیوکلیئر لیبارٹری سرن کا بھی دورہ کریں گے۔
وزیر اعظم میاں محمد نواز شریف کا سوئس کے اعلی حکام نے ائیر پورٹ پر استقبال کیا ۔وزیر اعظم ایران اور سعودی عرب کے دورہ سے ہی ڈیوس پہنچے ہیں۔
