گیمبیا کے صدر یحییٰ جامع عہدہ چھوڑنے پر رضامند ہوگئے ہیں ،ان کا کہنا ہے کہ ملک کے امن کی خاطر صدارت چھوڑ دیں گے۔

President of Gambia agreed to step down

دار الحکومت بینجل میں مذاکرات کاروں کا کہنا ہے کہ صدر یحییٰ جامع عہدے سے دست بردار ہو کر ملک چھوڑ دیں گے۔ مغربی افریقہ کے مصالحت کاروں نے جمعہ کو بیس سال تک اقتدار میں رہنے والے یحییٰ سے کئی گھنٹوں کی ملاقات میں ان کے مستقبل پر بات کی ۔یحییٰ جامع کو دسمبر میں ہونے والے انتخابات میں شکست ہو گئی تھی ۔ ان کے جانشین آداما بارو نے گزشتہ روزپڑوسی ملک سینیگال کے دارالحکومت ڈاکارمیں حلف اٹھایا تھا ۔ اُن کا کہنا ہے کہ گیمبیا سے خوف کی حکمرانی ہمیشہ کے لیے ختم ہو گئی ہے۔مغربی افریقہ کے ممالک نے یحییٰ جامع سے اقتدار سے الگ ہونے کا مطالبہ کرتے ہوئے دھمکی دی تھی کہ ایسا نہ کرنے کی صورت میں فوجی مداخلت کی جائے گی۔