New Zealand the Yar Khan

لاہور……پاکستان کرکٹ بورڈ کے چیئرمین شہریار خان کا کہنا ہے کہ پاکستان ٹیم کی شکست پر انہیں تشویش نہیں، محمد عامر اچھی بائولنگ کر رہاہے ،وائیڈ بالز تو سبھی بائولرز کرتے ہیں ۔
باغ جناح میں شہید بے نظیر بھٹوویمن کرکٹ ٹورنامنٹ کے افتتاح کے موقع پر میڈیا سے گفتگو میں چیئرمین شہریار خان نے کہا کہ آسٹریلیا اور نیوزی لینڈ میں ہمیشہ مشکلات پیش آتی ہیں،اس مرتہ بھی مشکلات سامنے آرہی ہیں۔شہریار خان نے کہاکہ سلمان بٹ اور محمد آصف کی ٹیم میں واپسی کے لیئے بھی، محمد عامر کی طرح پہلے قانونی تقاضے پورے کیئے جائیں گے۔ شاہد آفریدی کے حوالے سے ان کا کہنا تھا کہ وہ ورلڈ ٹی 20 تک کپتان رہیں گے۔یاسر شاہ کے کیس کے حوالے سے آئی سی سی کو بتا دیا ہے، ایک سے ڈیڑھ ہفتے میں کوئی پیش رفت ہو گی ۔بگ تھری پر چیئرمین پی سی بی نے کہا کہ آئی سی سی کے چیئرمین پہلے ہی اس سے مطمئن نہیں ہیں،یہ جمہوری نہیں ہے ۔پاک بھارت سیریز پر شہریار خان نے دو ٹوک الفاظ میںکہا کہ پہلے میزبانی پاکستان کرے گا پھر ٹیم بھارت جائے گی ۔