NA SPEAKER SENDS REFERENCE AGAINST PM NAWAZ TO ECP

لاہور(یس اردو نیوز)سپیکر قومی اسمبلی ایاز صادق نے ہفتے کو کہا ہے کہ انہوں نےالیکشن کمیشن آف پاکستان (ای سی پی)کو وزیر اعظم نواز شریف کی نااہلی کے حصول کیلئے ایک ریفرنس بھیجا ہےاسلام آباد میں میڈیا سے گفتگو کرتے ہوئے انہوں نے کہا کہ میں نے ’’پارلیمنت کو مضبوط کرنے کیلئے الیکشن کمیشن کو ریفرنس بھیجنے کا فیصلہ کیا ہے

پندرہ اگست کو  پاکستان تحریک انصاف (پی ٹی آئی ) کے عہدیداروں قومی اسمبلی میں ڈپٹی پارلیمانی لیڈر شاہ محمود قریشی ، ڈاکٹر شیریں مزاری، اور سینیئر راہنما اور رکن قومی اسمبلی ڈاکٹر عارف علوی  نے رکن قومی اسمبلی کے طور پر وزیر اعظم نواز شریف کے خلاف ان کی نااہلی کیلئےریفرنس دائر کیا تھا۔ مذکورہ ریفرنس ان ارکان نے سپیکر قومی اسمبلی کے حوالے کیا تھا

ریفرنس میں وزیر اعظم نواز شریف کانام پانامہ کاغذات میں آف شور کمپنیوں میں غیر قانونی طریقوں سے سرمایہ کاروں میں شامل ہونے کا ذکر کیا گیا تھا۔ اس ضمن میں وزیر اعظم نواز شریف کا کڑا احتساب پاکستان تحریک انصاف کی سیاسی کوششوں کا حصہ تھا۔ پاکستان مسلم لیگ نواز نے بھی عمران خان اور جہانگیر خان ترین کیخلاف ریفرنس بھجوا رکھے ہیں۔