پیرس ؍اسلام آباد( ایس ایم حسنین) پیرس کی ممتاز سیاسی وسماجی شخصیت محمد افراسیاب نے پیرس میں میڈیا سے بات چیت میں راولپنڈی میں طیارہ حادثے کے نتیجے میں پاک فوج کے جوانوں اورسویلین قیمتی جانوں کے ضیا پر گہرے دکھ کا اظہار کرتے ہوئے مطالبہ کیا ہے کہ طیارہ حادثے کی مکمل انکوائری کرائی جائے اور فوجی جوانوں اور سویلین شہدا کے نقصان کا ازالہ حکومت کا اولین فرض ہے۔ دلخراش واقعہ رات کے پچھلے پہر پیش آیا جب لوگ سو رہے تھے ۔ بدقسمت خاندانوں کے اہلخانہ کو اللہ تعالیٰ صبر جمیل عطا فرمائیں اور شہدا کو جنت الفردوس میں اعلیٰ مقام عطا فرمائیں۔
انہوں نے شہدا کے وارثین کے ساتھ دلی تعزیت کا اظہار کرتے ہوئے مطالبہ کیا کہ مستقبل میں ایسے واقعات سے بچنے کا کیلئے مستقل انتظامات کئے جائیں
پیرس کی دوسری ممتاز سیاسی وسماجی شخصیات نے یس اردو نیوز کیساتھ گفتگو میں آرمی ایوی ایشن کے طیارے کے حادثے اور قیمتی جانوں کی ضیاع پر گہرے دکھ و افسوس کا اظہار کیا ہے ۔ اورحکومت سے اپیل کی ہے کہ مسقبل میں ایسے واقعات سے بچنے کیلئے مستقل لائحہ عمل تیار کیا جائے ۔ تاکہ رات کے وقت شہری آبادیوں پر ٹیسٹ فلائٹس سے لوگوں کی زندگیوں کو جو خطرات لاحق ہیں ان سے بچا جاسکے۔
