کراچی……اسپیکر سندھ اسمبلی آغا سراج درانی نے اسمبلی کی نئی بلڈنگ کی پارکنگ کاافتتاح کردیا۔پارکنگ کی تعمیر سے ممبران کو تین سو سے زائد گاڑیاں پارک کرنے کی سہولت میسر آسکے گی۔اسپیکر سندھ اسمبلی آغا سراج درانی نے اسمبلی کی نئی بلڈنگ کی پارکنگ کاافتتاح کیا۔پارکنگ کے افتتاح پر حکومت سندھ کے علاوہ اپوزیشن ارکان نے بھی شرکت کی۔پارکنگ کی بیسمنٹ میں 240 جبکہ پہلے فلور پر 155 گاڑیاں پارک کرنے کی جگہ ہے۔اس موقع پراسپیکر آغا سراج درانی کا کہنا تھا کہ پارکنگ کی تعمیر کا کام ایک سال میں مکمل ہوجائے گا۔ایم پی اے ہاسٹل کی تعمیر کا کام بھی جاری ہے جس سے اندرون سندھ سےآنے والے اراکین کو بھی آسانی ہوگی۔ آغا سراج درانی نے کہا کہ سندھ اسمبلی کے ایم پی اےہاسٹل میں خواتین ممبران کےلیےبیوٹی پارلربنایاجائےگا۔مردوں کے لیے بھی سیلون بنایا جائے گا۔ایم پی اے ہاسٹل میں چھوٹا سا شاپنگ مال بھی بنایا جائے گا۔اس موقع پر ایم کیو ایم کے رہنما خواجہ اظہارالحسن کا کہنا تھا کہ سندھ حکومت عوام کی خوشحالی کے لئے بھی پیکچز کا اعلان کرے۔ افتتاحی تقریب میں نثار کھوڑو، مراد علی شاہ ، نند کمار اور دیگر اراکین نے بھی شرکت کی۔
