موجودہ حکومت احتساب کے نام پر قوم کا وقت برباد کر رہی ہے، ان کے پاس کوئی پلان ہوتا تو عوام کی یہ حالت نہ ہوتی، میاں محمد حنیف
پیرس (نمائندہ خصوصی) مسلم لیگ ن فرانس کے چیف ایگزیکٹو میاں محمد حنیف نے کہا ہے کہ موجودہ حکومت احتساب کے نام پر قوم کا وقت برباد کر رہی ہے، ان کے پاس کوئی پلان ہوتا تو عوام کی یہ حالت نہ ہوتی ۔ ان لوگوں کو اب بھی کنٹینر کی سیاست یاد آرہی ہے۔ جب جمہوری حکومت عوام کی خدمت میں مصروف تھی اس وقت ان لوگوں نے دھرنے دیئے تھے اور ایس پی کلیم امام کو ڈنڈوں سے مارا تھا اور پی ٹی وی پر حملہ کیا تھا اس وقت کوئی دہشت گردی کی دفع نہیں لگا ئی گئی تھی مسلم لیگی خواتین اور کارکنوں کے خلاف انتقامی کاروائی بند کی جائے اور دہشت گردی کی دفع خارج کی جائے یہ انتقامی کاروائیاں عوام اور مسلم کارکنوں کے دل سے نواز شریف کی محبت نہیں نکال سکتی ہیں۔
