دھرنوں سے وجود میں آنیوالی حکومت کی بدترین حالات سے پریشان عوام کے احتجاج پرتنقید تعجب خیز ہے، جاوید طارق شیخ
پیرس/اسلام آباد(ایس ایم حسنین) پاکستان مسلم لیگ ن فرانس کے چیف اآرگنائزر شیخ جاوید طارق نے حکومت کی طرف سے عوامی مارچ پرتنقیداور قدغن پرکڑی تقنید کرتے ہوئے کہا ہے کہ سلیکٹڈ حکومت تو دھرنوں اور غیر آئینی غیرجمہوری ہتھکنڈوں سے وجود میں آئی ہے ایسے لوگ ایک خالصتاً عوامی مارچ پر تنقید کرنے کا اخلاقی جواز نہیں رکتے۔
ان کا کہنا تھا کہ حکومتی وزرا آج اپنا بویا کاٹ رہے ہیں اور کہہ رہے ہیں ہمیں سمجھ نہیں آرہی ۔ حکومت کی طرف سے مذاکراتی کمیٹی کے سربراہ پرویز خٹک جب یہ فرمارہے تھے کہ لوگ استعفیٰ کیوں مانگ رہے ہیں تو انھیں تھوڑی سی شرم تو آئی ہوگی کیونکہ وہ یہی مطالبہ ایک منتخب وزیراعظم سے کرتے رہے ہیں اور پارلیمنٹ کی طرف سے بلائے گئے مشترکہ سیشن نے ان کا دھرنا ناکام کیا آج سلیکٹڈ حکومت کے پاس اتنی اخلاقی جرات نہیں ہے کہ وہ اپوزیشن پارٹیز سے مدد مانگ سکیں کیونکہ اپوزیشن، عوام عالمی فورمز سب سمجھ چکے ہیں کہ یہ غیر جمہوری سلیکٹڈ حکومت ہے
