public and social circles filled tribute

لالہ موسیٰ ( منشاء بٹ ) سالانہ دو روزہ فن فیئر کا انعقاد کرنے پر دی رائزر سکول دیونہ منڈی کے ڈائریکٹر ز کو عوامی و سماجی حلقوں کا بھر پور خراج تحسین ، دوروزہ فن فیئر میں طلباء و طالبات کی کثیر تعداد نے شرکت کی اور فن فیئر سے محظوظ ہوئے ، تفصیلات کے مطا بق دی رائزر سکول دیونہ منڈی میں سالانہ دوروزہ فن فیئر کا اہتمام کیا گیا جس میں ماہر تعلیم چوہدری عباس اصغر گل ، ملک محمد شفیق بوسال ، واجد یعقوب نے خصوصی شرکت کی ، مہمانان خصوصی اور شرکاء نے ڈائریکٹر ز دی رائزر چوہدری محمد انور ، چوہدری نذیر احمد ٹوپہ ، منیر حسین چوہدری ، شبیر حسین چوہدری ، پرنسپل ، وائس پرنسپل سید واجد حسین شاہ ، اور تمام سٹاف کی کاوشوں کو سراہا اور خراج تحسین پیش کیا ، فن فیئر میں سیکورٹی کا خصوصی انتظام کیا گیا تھا ، فن فیئر میں طلباء و طالبات اور شرکاء کے لیے آرٹ اینڈ کرافٹ ، مہندی اور پینٹنگ ، فوڈ کے سٹال لگائے گیے جبکہ بچوں کے لیے گیمز ، میوزک سٹال کے علاوہ پپٹ شو ، جھولے وغیر ہ کا انتظام بھی کیا گیا تھا طلباء و طالبات کی کثیر تعداد نے دو روزہ فن فیئر میں بھر پور شرکت کی ، والدین اور حلقہ کے عوام نے دی رائزر سکول کی جانب سے فن فیئر کے اہتمام پر ڈائریکٹرز سکول اور تمام سٹاف کو خراج تحسین پیش کرتے ہوئے کہا کہ اس طرح کے پروگرام تفریح کے علاوہ طلباء و طالبات کی اعتماد سازی میں کردار ادا کرتے ہیں۔