مختلف علاقوں میں آپریشن کے دوران 25 ملزموں کو گرفتار کر کے اسلحہ اور مسروقہ سامان برآمد کر لیا گیا۔
کراچی کی سر زمین ملک وسماج دشمن عناصر پر تنگ ہونے لگی ، شاہ لطیف میں تین ڈاکو شہری سے لوٹ مار کر رہے تھے، پولیس موبائل بھی وہاں پہنچ گئی ، جسے دیکھتے ہی ملزمان نے اس پر فائرنگ کردی ، جوابی کارروائی میں تینوں ڈاکو مارے گئے۔ ادھر فیصل کالونی میں پولیس نے کومبنگ آپریشن کرتے ہوئے 22 افراد کو حراست میں لے لیا ، ان سے ایک ایس ایم جی ، 12 ٹی ٹی پستول ، ہینڈ گرنیڈ اور دو مسروقہ موٹر سائیکلیں برآمد کر لی گئیں ، گلبرگ میں پولیس نے دو غیر ملکی باشندوں کو گرفتار کر لیا۔
