فرینڈز آف رونالڈینیو ٹیم جولائی کے پہلے ہفتے میں پاکستان آئے گی۔
کراچی: پاکستان میں فٹبال کو فروغ دینے کے لئے ہونے والی لیژر لیگ میں غیرملکی فٹبالرز ان ایکشن ہوں گے۔ رپورٹ کے مطابق، رواں برس پاکستان آنیوالے فرینڈز آف رونالڈینیو کا 8 انٹرنیشنل فٹبالرز کا لائن اپ مکمل ہو چکا ہے جس میں برازیلین، برطانوی، ڈچ، فرانسیسی اور پرتگالی کھلاڑی شامل ہیں جبکہ چیلسی کے سابق کپتان جان ٹیری بھی پاکستان آنے کا اعلان کر چکے ہیں۔ لیژر لیگ کے حوالے سے کراچی میں منعقدہ تقریب میں قائم مقام صدر رضا ربانی نے بھی شرکت کی، ان کا کہنا تھا کہ لیگ سے فٹبال کو کو فروغ ملے گا فرینڈز آف رونالڈینیو ٹیم جولائی کے پہلے ہفتے میں پاکستان آئے گی۔ جس میں ڈیوڈ جمز، جارج بوٹنگ، نکلس انیلکا، رابرٹ پیرز، لوئس بواموٹے، روبرٹو کارلوس اورجان ٹیری شامل ہیں۔
