پولیس اور قانون نافذ کرنے والے ادارے نےمختلف علاقوں میں کارروائی کرتے ہوئے دہشت گردوں سمیت 12ملزمان کو گرفتار کرکے اسلحہ برآمد کر لیا ہے۔

Karachi: operation in various areas, arrest twelve accused including terrorists

تفصیلات کے مطابق قانون نافذ کرنے والے ادارے کے اہلکاروں نے فیڈرل بی ایریا میں کارروائی کرتے ہوئے ایک سیاسی جماعت سے تعلق رکھنے والے دو دہشت گردوں کو گرفتار کرکے انکے قبضے سے اسلحہ برآمدکرلیا ہے۔ذرائع سے معلوم ہوا ہے کہ ملزمان کی گرفتاری چند روز قبل فیڈرل بی ایریا سے گرفتار ہونے والےایک سیاسی جماعت کے سیکٹر انچارج فرحان ہاشمی کی نشاندہی پر عمل میں آئی ہے۔ تیموریہ انویسٹی گیشن پولیس نے کارروائی کرتے ہوئے ملزم نبیل صابر کو گرفتار کرکے اسکے قبضے سے اسلحہ برآمد کرلیا۔سپرمارکیٹ پولیس نے کارروائی کرتے ہوئے دو ملزمان رشید اور حمیر کو گرفتار کرکے انکے قبضے سے اسلحہ اور بھاری مقدار میں منشیات برآمد کرلی، گرفتار ہونے والے ملزمان نے دوران تفتیش اسٹریٹ کرائم کی متعدد وارداتیں کرنے کا اعتراف کیا ہے۔لانڈھی پولیس نے مقابلے کے بعد زخمی حالت میں ملزم عمر کو گرفتار کرکے اسکے قبضے سے اسلحہ اور موٹر سائیکل نمبر KJA-1870 برآمد کرلی۔ ملزم نے دوران تفتیش شہر کے مختلف علاقوں میں اسٹریٹ کرائم کی وارداتیں کرنے کا اعتراف کیا ہے۔بریگیڈ پولیس نے جوا کھیلنے والے چار جواری غلام محمد، محمد ذکریا، غلام نبی اور محمد اسلم کو گرفتار کرکے انکے قبضے سے داؤ پر لگی رقم اور قمار بازی کا سامان برآمد کرلیا۔نیوکراچی پولیس نے کارروائی کرتے ہوئے دکانوں میں نقب زنی کی واردات کرنے والے دو ملزمان سلیم اور عدیل کو گرفتار کرکے انکے قبضے سے اسلحہ اور تالے کاٹنے والے کٹر، آئرن کٹر، بینڈ کف، راڈ اور شارع نورجہاں کے علاقے سے چھینی گئی موٹر سائیکل برآمد کرلی، گرفتار ہونے والے ملزمان سے تفتیش کی جارہی ہے۔