کراچی……کراچی کے علاقے گارڈن شو مارکیٹ سے ملنے والی میاں بیوی کی لاشوں کا پوسٹ مارٹم کرلیا گیا ہے ۔ خاتون کی ہلاکت گلادبانے سے ہوئی جبکہ مرد کی موت کی وجہ معلوم کرنے کے لئے جسم کے نمونے حاصل کرلئے گئے ہیں ۔
کراچی کے علاقے گارڈن شو مارکیٹ میں واقع فلیٹ سے گزشتہ رات میاں بیوی کی لاشیں ملی تھیں۔ پولیس کے مطابق آٹھ ماہ قبل ہی انھوں نے پسند سے شادی کی تھی۔عامر رنچھوڑ لائن میں کپڑے کی دکان پر کام کرتا تھا جبکہ مصباح نجی بینک میں ملازمہ تھی۔شوہر کی لاش بستر جبکہ لڑکی کی باتھ روم سے ملی ہے۔ضابطہ کی کارروائی کے لئے لاشوں کو سول اسپتال منتقل کیا گیا ، جہاں دونوں لاشوں کا پوسٹ مارٹم کیا گیا ، لیڈی ایم ایل او ڈاکٹر تسنیم اسلم کے مطابق خاتون مصباح کو گلا دبا کر قتل کیا گیا۔ مصباح کی گرن کی ہڈی بھی ٹوٹی ہوئی ہےجبکہ جسم پر تشدد کا کوئی نشان نہیں ملا،جبکہ ایم ایل او ڈاکٹر نورمحمد کے مطابق عامر کی گردن کے قریب چند خراشوں کے نشان ہیں۔ایم ایل او ڈاکٹر نورمحمد نے بتایا کہ عامر کے جسم کے نمونے بھی لئے گئے ہیں ، کیمیکل ٹیسٹ کے بعد عامر کی موت کی وجہ معلوم ہوسکے گی۔ پولیس ذرائع کے مطابق بظاہر لگتا ہے شوہر نے بیوی کو قتل کرنے کے بعد خود زہر کھالیا ۔
