اسلام آباد: جسٹس اطہرمن اللہ نے چیف جسٹس اسلام آباد ہائیکورٹ کاحلف اٹھالیا صدر مملکت ڈاکٹر عارف علوی نے جسٹس اطہر من اللہ سے حلف لیا۔
جسٹس اطہر من اللہ نے اسلام آباد ہائیکورٹ کے چیف جسٹس کا حلف اٹھالیا، صدر مملکت ڈاکٹر علوی نے ان سے عہدے کا حلف لیا۔ حلف برداری کی تقریب ایوان صدر میں منعقد ہوئی۔ تقریب میں وفاقی وزراء، ہائی کورٹس کے ججز، سینئر وکلاء اور اعلیٰ سرکاری عہدیداران کی شرکت کی۔ نئے چیف جسٹس اطہر من اللہ 11 دسمبر 2023 تک چیف جسٹس رہیں گے۔
جسٹس اطہر من اللہ سپریم کورٹ میں پرموٹ نہ ہوئے تو 12 دسمبر 2023 کو ریٹائر ہوجائیں گے۔ دوسری جانب اسلام آباد ہائیکورٹ کے چیف جسٹس کے عہدے سے ریٹائر ہونے والے جسٹس انور خان کاسی نے کل آخری دن ہائیکورٹ میں گزارا۔
واضح رہے کہ جسٹس اطہر من اللہ نے 17 جون 2014 کو بحیثیت جج ہائیکورٹ کا حلف اٹھایا تھا۔
