Accident

جھنگ (جیوڈیسک) محلہ پنڈی کے قریب حفاظتی بند رنگ روڈ پر سبزی سے لدا تیز رفتار ٹرک بے قابو ہو کر خانہ بدوشوں کے گھر پر الٹ گیا۔

جس کے باعث 6 سالہ عبدالرحمن، 3سالہ مافیہ، 11سالہ ربیعہ، 8سالہ مسرت، 5سالہ فرحت، 14 سالہ عمران، 12سالہ نادیہ جاں بحق جبکہ 3 سالہ رضوان اور دو سالہ زرینہ اور ان کی 28سالہ والدہ سرداراں اور والد رحمان زخمی ہو گئے۔

زخمیوں کو ڈی ایچ کیو ہسپتال جھنگ منتقل کر دیا گیا ہے جہاں ان کی حالت خطرے سے باہر ہے۔

جاں بحق ہونے والے تمام بہن بھائیوں کی نعشیں ورثاء کے حوالے کر دی گئی ہیں، ٹرک کا ڈرائیور موقع سے فرار ہو گیا۔