ملک کے حالات بہتر ہونے کی وجہ سے شوبز انڈسٹری میں بھی کام بڑھ رہا ہے ، ہر اداکار خوش ہے :سینئر آرٹسٹ کی گفتگو
کراچی: اشتہاری اداروں کی فلم ، ٹی وی اور تھیٹر کے سینئر اداکار عرفان کھوسٹ میں دلچسپی بڑھ گئی ۔ وہ گزشتہ روز لاہور سے ایک اشتہار کی عکسبندی کیلئے کراچی پہنچنے کے بعد میر پور خاص چلے گئے ۔ نمائندہ یس نیوز سے گفتگو کرتے ہوئے ان کا کہنا تھا ٹی وی ڈرامہ سیریل کی ریکارڈنگ کیلئے آئندہ ہفتے کے دوران کراچی میں مصروف رہونگا ۔ فلموں و ڈراموں میں کام کی آفرز بہت مل رہی ہیں اشتہاری اداروں نے بھی مصروف رکھا ہوا ہے ، ملک میں حالات اچھے ہونے سے شوبز انڈسٹری کا کام بڑھ رہا ہے اب کوئی فنکار ہاتھ پر ہاتھ رکھ کر نہیں بیٹھا ہوا، میری بھی کوشش ہے کہ اچھی و معیاری پروڈکشنز کو ترجیح دوں ۔ ان کا کہنا تھا سرمد سلطان کھوسٹ نے ڈرامہ انڈسٹری کے بعد فلموں میں بھی کمال کر دیا ہے اس کی خداداد صلاحیتیں اس کو عروج دے رہی ہیں ، میرا بیٹا ہے مگر اپنی صلاحیتوں کی بنا پر وہ مقام بنارہا ہے ، میں بہت خوش ہوں کہ اس نے اپنے باپ ، دادا کا نام روشن کیا ہے ۔
