سٹیج کی نوآموز اداکارہ و رقاصہ ان دنوں الحمرا کلچرل کمپلیکس میں جاری سٹیج ڈرامے میں اداکاری کے جوہر دکھا رہی ہیں
لاہور: سٹیج اداکارہ تعبیر برال 4 نومبر کو اپنی 18 ویں سالگرہ منائیں گی ۔ اداکارہ ان دنوں الحمرا کلچرل کمپلیکس میں جاری سٹیج ڈرامے میں پرفارم کر رہی ہیں ۔ میڈیا سے گفتگو کرتے ہوئے ان کا کہنا تھا میں ان فنکاروں میں سے نہیں ہوں جو اپنی عمر چھپاتی ہیں ، انسان کا خوش اخلاق اور خوش لباس ہونا اسے ہمیشہ جوان رکھتا ہے ، اس لئے میں عمر چھپانے پر یقین نہیں رکھتی ۔ اداکارہ تعبیر برال نے کہا کہ سٹیج ڈراموں میں رقص بنیادی ضرورت بنتا جا رہا ہے اس لئے میں اداکاری کے ساتھ ساتھ رقص پر بھی توجہ دے رہی ہوں تاکہ خود کو کامیاب اداکارہ ثابت کرسکوں ۔
