لاہور (ویب ڈیسک ) مسلم لیگ ن کے رہنما طلال چودھری نے کہاہے کہ فیصل آبا د کے ایک مولانا کو آئندہ خطبہ جمعہ میں عاشق رسول ﷺ قرار نہ دینے پر نظر بند کرنے کی دھمکیاں دی جارہی ہیں۔جیونیوز کے پروگرام ”آپس کی بات “ میں گفتگو کرتے ہوئے طلال چودھری نے کہاہے کہ صرف بڑھکیں مارنے سے بات نہیں بنتی ، عمران خان نے جو پھندا مسلم لیگ ن کے گلے میں ڈالنے کیلئے تیار کیا تھا ، وہ اب ان کے اپنے گلے پڑا ہوا ہے ، تحریک انصاف کی خوش قسمتی یہ ہے کہ اپوزیشن نے ان کے خلاف سخت رویہ اختیار نہیں کیا بلکہ ان کے ساتھ کھڑ ی ہوئی ہے ۔ انہوں نے کہا کہ اب فیصل آباد میں مولانا صاحب سے کہا جارہاہے کہ اگر انہوں نے آئندہ خطبہ جمعہ میں عمران خان کو عاشق رسول ﷺ قرارنہ دیا تو ان کو نظر بند کردیا جائے گا ۔ انہوں نے کہا کہ جب مسلم لیگ ن کے دور میں دھرنے والوں کے خلاف معاہدہ ہوا تو میں نے کہہ دیا تھا کہ یہ درست نہیں ہے ، یہ نہیں ہونا چاہئے تھا ۔ انہوں نے کہا کہ سیکھنے کی بات تمام سیاسی جماعتوں اور سیاسی اداروں کی ہے جو ان لوگوں کو پالتے پوستے ہیں اور پھر یہ ہمارے گلے ہی پڑ جاتے ہیں۔ انہوں نے کہا کہحکومت صرف بیانات ہی دیتی رہے گی یا کچھ کرے گی بھی ، یہ بغاوت کا مقدمہ کب درجہوگا ، ججوں اور اداروں کے خلاف بیانات دینے والوں کے خلاف کب کارروائی ہوگی ؟