رحیم یار خان; شادی سے انکار پر خنجر کے وار کرکے نرس کو قتل کردیا۔ تفصیلات کے مطابق رحیم یار خان میں مبینہ طور پر شادی سے انکار پر سرِعام خاتون کو خنجر کے وار کرکے قتل کردیا گیا۔رحیم یارخان کی سکیم 3 کی ایک سڑک پر ایک شخص خاتون کو زبردستی روکنے کی
کوشش کرتا ہے اور دونوں میں ہاتھاپائی بھی ہوئی تھی۔ یہ مناظر کیمرے کی آنکھ نے محفوظ کرلئے۔ اس موقع پر خاتون نے جان بچانے کی کوشش کی لیکن سفاک ملزم نے انہیں موقع نہیں دیا۔واقعہ کے وقت کئی موٹرسائیکل سوار بھی وہاں سے گزررہے تھے رک کر دیکھا اور پھر آگے بڑھ گئے ‘سفاک ملزم نے سرعام خنجر کے وار سے خاتون کی جان لے لی اور اپنی موٹرسائیکل پر فرار ہوگیا۔پولیس کے مطابق مقتولہ کی شناخت شمیم کے نام سے ہوئی جو شیخ زید ہسپتال رحیم یار خان میں نرس تھی۔دوسری طرف ابتدائی تحقیقات کے مطابق ملزم منیر احمد مقتولہ کا رشتہ دار ہے، جو اس سے شادی کا خواہشمند تھا۔پولیس نے مقدمہ درج کرکے ملزم کی تلاش شروع کردی ہے۔دوسری جانب ایک خبر کے مطابق پشاور میں آئس نشے کی لت میں مبتلا نوجوان لڑکی کے لرزہ خیز قتل کا ڈراپ سین سامنے آگیا سپنا کا قاتل کوئی اور نہیں بلکہ اپنا خون ہی نکلا ۔پشاورحیات آباد کی سڑکوں پر اٹھارہ سالہ سپنا کو آئس نشے کی لت پڑی، سماء نے معاملہ اٹھایا، تو پولیس نے سپنا کو دارالامان بھجوایا اور پھر والدین کی یقین دہانی پر گھر بھیج دیا جس کے ایک ہفتے بعد اسکی لاش ملی، پولیس نے چند دنوں میں قاتل گرفتار کرلئے ۔ایس ایس پی آپرشنزجاوید اقبال کے مطابق سپنا کو اسکے چچا ذات نے غیرت کے نام پر قتل کیا اور لاش پشتہ خرہ کے قریب کھیتوں میں پیھنک دی ۔پولیس نے سپنا کے چچا اور اسکے بیٹے کو گرفتار کر کے آلہ قتل بھی برآمد کر لیا۔
