سالگرہ کے موقعے پرچاہے کتنے ہی انتظامات کر لئے جائیں لیکن اگر کیک نہ ہو تو مزہ ادھورا رہ جاتا ہے۔

امریکی شہر فلاڈیلفیا میں واقع چڑیا گھر میں موجودموتوبا نامی گوریلا کی 33ویں سالگرہ دھوم دھام سے منائی گئی اور اس دن کی مناسبت سے اس کے لئے خاص طور کیک بھی تیار کیا گیا۔ اس موقع پرگوریلے کی پسندیدہ خوراک کو مد نظر رکھتے ہوئے تیار کیا گیا یہ کیک اس کو پیش کیا گیاجبکہ چند تحائف بھی پیش کیے گئے۔ گوریلے کی برتھ ڈے پارٹی میں بچوں کی بڑی تعداد نے چڑیا گھر کا رخ کیا اور ایونٹ کو خوب انجوائے کیا۔