لاہور ; فلم، ٹی وی اور اسٹیج کی نامور اداکارہ ثوبیہ خان نے خفیہ شادی کرلی، دلہا لیجنڈ کرکٹر عبدالقادر کا بیٹا عثمان قادر ہے، تفصیلات کے مطابق اداکارہ ثوبیہ خان اور
عثمان قادر کے عشق کے چرچے کافی عرصے سے زبان زد عام تھے اور قیاس آرائیاں کی جا رہی تھیں کہ دونوں نے خفیہ شادی رچا لی ہے تاہم دونوں میں سے کوئی بھی اس بات کا اقرار کرنے سے گریزاں تھا- یوکے سے نمائندہ انر پاکستان سے ٹیلی فون پر خصوصی گفتگو کرتے ہوئے اداکارہ ثوبیہ خان نے اقرار کیا کہ انہیں عثمان قادر سے نکاح کئے 2 ماہ ہوگئے ہیں لیکن وہ اس کو خفیہ رکھنا چاہتی تھیں- ثوبیہ خان کا کہنا ہے کہ رخصتی 2019 کے پہلے دو ماہ میں ہوجائیگی- ثوبیہ خان نے بتایا کہ اب وہ مزید اسٹیج ڈراموں میں کام نہیں کرینگی- ان کا کہنا تھا کہ اگر خاوند نے اجازت دی تو ٹی وی ڈراموں اور فلموں میں اپنی اداکاری کرونگی- یاد رہے کہ اداکارہ ثوبیہ خان کے فرید نامی منگیتر نے دبئی میں خودکشی بھی کر لی تھی- جس کے بعد اداکارہ ثوبیہ خان کی نیاز خان نامی شخص سے بھی دو سال تک دوستی رہی اور بات شادی تک پہنچ کر کچھ وجوہات پر ختم ہوگئی. جس کے بعد اداکارہ ثوبیہ خان اور عثمان قادر کے درمیان عشق چل نکلا اور شادی پایا تکمیل کو پہنچ گئی- ثوبیہ خان کے قریبی زرائع کا کہنا ہے کہ نکاح کے بعد سے عثمان قادر نا کرکٹ کھیل رہا ہے اور نا ہی اپنے گھر جا رہا ہے جس سے ثوبیہ خان کی شادی شدہ زندگی ابتدا میں ہی مشکلات کا شکار ہوگئی ہے- اداکارہ ثوبیہ خان کی عثمان قادر سے دوستی شوبز حلقوں میں کافی مشہور ہوئی جس کے بعد یہ دوستی شادی کے بندھن میں بدل گئی اب دیکھتے ہیں کہ یہ شادی کب تک چلتی ہے- اداکارہ ثوبیہ خان کا اپنی شادی اور اسکینڈلز کے حوالے سے دیا گیا
