چکوال: مسافر بس الٹ گئی، 4 افراد جاں بحق، 20 زخمی

چکوال: چکوال میں سرائیں چوک کے قریب مسافر بس الٹ گئی، حادثے میں 4 افراد جاں بحق جبکہ 20 زخمی ہوگئے۔

چکوال سے چوآ سیدن شاہ جانے والی بس جب سرائیں چوک کے قریب پہنچی تو اس کی بریک فیل ہو گئی، ڈرائیور نے بس روکنے کی کوشش کی مگر پہاڑی علاقہ ہونے وجہ سے وہ بس پر کنٹرول نہ رکھ پایا اور بس سڑک سے اترنے کے بعد الٹ کر کھائی میں جا گری۔ حادثے میں 4 افراد لقمہ اجل بن گئے جبکہ 20 افراد زخمی ہوگئے، کئی زخمیوں کو ریسکیو ٹیموں نے بس کی باڈی کاٹ کر نکالا، 10 شدید زخمیوں اور لاشیں ڈی ایچ کیو ہسپتال چکوال جبکہ دیگر 10 زخمیوں کو تحصیل سپتال چواء سیدن شاہ منتقل کیا گیا۔