دختر پاکستان؛ چاروں صوبوں کی آوازمریم نوازبطور نائب صدرمسلم لیگ ن کڑے وقت میں بہترین انتخاب ثابت ہونگی، چوہدری اصغر خان کی مبارکباد
پیرس (نمائندہ خصوصی) مسلم لیگ ن یوتھ ونگ فرانس کے صدر چوہدری اصغر خان نے  مریم نواز کو مسلم لیگ ن کا نائب صدر مقرر ہونے پر دلی مبارکباد دیتے ہوئے کہا ہے کہ کڑے وقت میں مسلم لیگ ن کی قیادت سنبھالنے پر مریم بی بی  مبارکباد کی مستحق ہیں ۔
انہوں نے کہا کہ مسلم لیگ ن یوتھ ونگ فرانس مرکزی قیادت کے ہر اقدام کی بھرپور حمایت کرتے ہیں اور مریم نواز کی بطور نائب صدر تقرری پر بہت پرجوش ہیں انہوں نے کہا کہ اب وقت آگیا ہے کہ صرف اور صرف ووٹ کی عزت کیلئے جدوجہد کی جائے یہ وہ نعرہ ہے جو دختر پاکستان محترمہ مریم نواز نے غریب قوم کے حقوق کی بحالی کیلئے دیا تھا۔

ان کا کہنا تھا کہ میاں نوازشریف کی ضمانت میں توسیع کی درخواست مسترد ہونے سے اداروں اور حکومت کا گھٹ جوڑ سامنے آگیا ہے ۔ مسلم لیگ ن کی قیادت نے ہمیشہ عدالتوں کا احترام کیا ہے۔نواز شریف کو ابھی بھی گردوں کو بیماری ہے۔چار میڈیکل بورڈز نے نواز شریف کی بیماری پر اپنے خطرات سے حکومت کو آگاہ کیا۔

مسلم لیگ (ن) نے کبھی بھی عدالتی احکامات کو نظرانداز نہیں کیا۔ چھ ہفتوں میں دل اور گردوں کے عارضہ میں مبتلا شخص کا آپریشن ممکن نہیں۔سینئر ڈاکٹرز کی ہدایات کے مطابق نواز شریف کے میڈیکل چیک اپ ہورہے ہیں۔کسی بھی مریض کا آپریشن ڈاکٹرز کی ہدایات کے مطابق ہی ممکن ہوتا ہے۔عدالت کو انسانی ہمدردی کی بنیاد پر نواز شریف کی ضمانت میں توسیع کردینی چاہیے۔

‏  انہوں نے کہا کہ سنگین ترن حالات میں محترمہ مریم نواز کے کاندھوں پر بھاری ذمہ داری عائد ہوئی ہےجس کیلئے وہی بہترین انتخاب تھیں جس طرح 2013 سے اب تک انہوں نے پارٹی کو بہترین سمت میں گامزن کرنے میں مرکزی قیادت کا بھرپور ساتھ دیا ہے اسی طرح اس آفتوں کے دور میں ان کی معصومیت ہی آہنی شکنجوں اور سازشی عناصر کا مقابلہ کرنے کیلئے کافی ہے۔ انہوں نے کہا کہ ان کی نیک خواہشات اور دعائیں اپنی قائد کے ساتھ ہیں انشااللہ وہ پارٹی اور ملک کو ایک مرتبہ پھر جمہوریت کی پٹڑی پر سرخروکرنے میں کامیاب ہوجائینگی۔