پاکستان پیپلز پارٹی نے ہمیشہ پسماندہ طبقوں کے لوگوں کی ترجمانی کی ہے اس لئے ملک کا غریب، کسان اور مزدور پاکستان پیپلز پارٹی کو دل و جان سے چاہتا ہے، چوہدری جہانگیر نواز

اوسلو؍اسلام آباد (نمائندہ خصوصی)   میڈیا سے بات چیت کرتے ہوئے پیپلز پارٹی ناروے کے مصدر چوہدری جہانگیر نواز  نے کہا ہے کہ پاکستان پیپلز پارٹی نے ہمیشہ پسماندہ طبقوں کے لوگوں کی ترجمانی کی ہے اس لئے ملک کا غریب، کسان اور مزدور پاکستان پیپلز پارٹی کو دل و جان سے چاہتا ہے۔

انہوں نے مزید کہا کہ پاکستان پیپلز پارٹی عوامی خدمت کرنے کی سیاست پر یقین رکھتی ہے یہی وجہ ہے کہ پاکستان پیپلز پارٹی کے خلاف سازش کرنے والے ہمیشہ ناکام ہوئے ہیں۔

ان کا کہنا تھا کہ پاکستان پیپلز پارٹی کی قیادت کیخلاف جس قدر بے بنیاد مقدمات بنائے گئے قیادت نے ہمیشہ خندہ پیشانی اور آئینی دائرہ میں ا ن کا سامنا کیا اور کبھی بھی راہ فرا رحاصل نہیں کی آج وہی جماعتوں کے قائدین اپنے ہی تیار کردہ پھندے میں پھنس چکے ہیں تو چھوٹے مقدمات کا سامنا کرنے کے بجائے بھاگ رہے ہیں ۔