نواز شریف کی عوامی مقبولیت میں کمی ممکن نہیں، سلیکٹڈ کی حالیہ تقریریں اس بات کا ثبوت ہیں، چوہدری اصغر خان
پیرس/اسلام آباد(ایس ایم حسنین) پاکستان مسلم لیگ ن یوتھ ونگ فرانس کے صدر چوہدری اصغر خان نے کہا ہے کہ سلیکٹڈ کی فارمولا تقریروں سے عوام تنگ آچکے ہیں تاہم موجودہ حالات میں سلیکٹڈ حکومت کی بوکھلاہٹ عیاں ہوچکی ہے ۔ گمراہ کن پروپیگنڈے اور مک مکا اور چورچور کے نعرے لگانے والا سلیکٹڈ خود مکافات عمل کا شکار ہوکر اپنی باتوں میں پھنس چکا ہے اور عوام ان تقرریروں کے پیچھے چھپے پروپیگنڈے سمجھ چکی ہے یہی وجہ ہے کہ اب نیازی کھلم کھلا بوکھلاہٹ اورمیاں محمد نواز شریف کی فتح کا اظہار کرتا نظر آرہا ہے۔
ان کا کہنا تھا کہ موجود ہ حکومت سے زیادہ کرپٹ اورعوام دشمن لوگ کبھی برسراقتدار نہیں آئے پشاور میٹرو پر 95 ارب برباد کر کے بھی پچھلے چھ ماہ میں صرف 06 فیصد کام مکمل کیا گیا ایسے ہی پورے ملک میں کرپٹ ترین نظام چلایا جارہا ہے جو انشااللہ جلد بے نقاب ہوگا۔
