لاہور…حکومت پنجاب نے سرکاری اور نجی تعلیمی اداروں کی فول پروف سیکورٹی کیلیےخصوصی ہدایت نامہ جاری کیا ہے ،صبح کی اسمبلی اسکول گراؤنڈ کے بجائے کلاس رومز میں کرانے سمیت متعدد اقدامات کی ہدایت کر دی گئی ۔
حکومت پنجاب کی جانب سے تمام اضلاع کے ای ڈی او ز ایجوکیشن کو خصوصی مراسلہ بھیجا گیا ہے جس میں اسکولوں کی فول پروف سیکیورٹی کیلیےمتعدد اقدامات کی ہدایت کی گئی ہے۔مراسلے میں نجی اور سرکاری تعلیمی اداروں میں صبح کی اسمبلی گراؤنڈز کے بجائے کلاس رومز میں کرانے کا حکم دیا ہے ،ہر تعلیمی ادارے میں آمدورفت کے لیے ایک ہی گیٹ کے استعمال اور آنے جانے والوں کے کوائف درج کرنے کی ہدایت شامل ہے ۔
علیمی اداروں کی بیرونی دیواریں اونچی کرنے،خاردار تار لگانے،سیکورٹی گارڈزکی تعیناتی ،سی سی ٹی وی کیمروں اور میٹل ڈیٹکٹرز کی تنصیب کو یقینی بنانے کا کہا گیا ہے ،اسکول انتظامیہ کو مخصوص ایمرجنسی سمیں خریدنے جبکہ ون ٹو ٹو ،سول ڈیفنس اور دیگر اداروں کو فرضی حفاظتی مشقیں کرنے کی ہدایت بھی کی گئی ہے ۔
